Coronavirus

Covid komportando su mes basta bon na Boneiru último dianan

Kralendijk- Kontrali na e situashon na Aruba, Kòrsou i St. Maarten, Covid-19 ta komportando su mes basta bon na Boneiru den último dianan aki.

Durante wikent, tin solamente 2 kaso nobo, 1 djasabra i 1 djadumingu. E total di kasonan aktivo na Boneiru sinembargo a baha te na 17.

No ta kompletamente kla dikon no a sosodé un rebrote grandi di Covid na Boneiru, manera ta pasando na e otro islanan. Segun dòkter Marian Luinstra mester keda kouteloso, pasombra un brote grandi na Boneiru por sosodé tambe, si no kuida.

Medida

Durante último dianan a tuma algun medida pa asigurá ku e situashon na Boneiru lo sigui bon. Na promé lugá a suspendé e bùbel aéreo ku Kòrsou i Aruba. Tambe for di dia promé di sèptèmber biahero ku ta yega Boneiru for di Merka, lo tin ku hasi un tèst na e di 5 dia despues di yegada pa dòbel chèk ku nan no ta kontagiá ku Covid.

Mientrastantu ta sigui hasi apelashon ámbos riba adulto i hóben entre 12 pa 17 aña pa bakuná kontra di e virus.

Deel dit artikel
Rocargo
Rocargo
Rocargo
Rocargo