Notisia

Curaçao Tourist Board a nombra dos embahador nobo di marka na Brasil

WILLEMSTAD – Curaçao Tourist Board, CTB, a nombra dos embahador nobo di marka na Brasil, banda di e embahador di marka eksistente, Ana Hickmann. E embadornan nobo ta empesario i planifikadó di evento  Andréa Guimarães i persona influeyente di biahe Lala Rebelo.

Durante un seremonia na São Paulo, Brasil, ámbos embahador nobo a risibí un rekonosimentu bon meresí pa motibu di a promové e isla Kòrsou.                                                                                                                                         

E título di embahador ta un rekonosementu simbóliko di e dos hendenan muhé aki ku a skohe pa Kòrsou na un manera úniko i a demostrá e amor ku nan ta sinti pa e isla. CTB ta konfia ku nan lo sigui plama e sentimentu pa Kòrsou aki den Brasil henter.

Visibilidat 

Andréa Guimarães a bishitá Kòrsou ougùstùs di aña pasá i a pone hopi lus riba e isla. Un di e resultadonan tabata ku Guimarães a regresá e isla na novèmber 2021 ku algun persona famoso pa un proyekto di marka editorial.

E grupo a regresá e aña aki ku algun marka popular pa un produkshon nobo. Andréa Guimarães ta e planifikadó di fiesta mas importante na Brasil i ta manehá nòmbernan grandi na televishon, komo tambe kantantenan i deportistanan famoso.

Lala Rebelo ta traha aviso i kontenido digital, outor di un di e ‘blognan’ di biahe luho mas grandi na Brasil. El a biaha pa mas ku ochenta pais i despues ku el a bira mama kuater aña pasá, el a spesialisá su mes den duna tep tokante biahamentu ku famia.

El a skohe pa bini ku su famia Kòrsou durante e periodo ku e pandemia a suavisá. E kontenido di su sitio wèb i su publikashonnan riba Instagram a pèrkurá ku su siguidónan a keda enkantá ku Kòrsou. E hotèlnan ku el a bishitá, ta konfirmá tambe ku nan a risibí wéspetnan ku el a influensiá ku su kontenido.

Deel dit artikel
Rocargo
Rocargo
Rocargo
Rocargo