Daisy Coffie ke sa: Kiko ta maneho di gobièrnu relashoná ku nos monumentonan?

KRALENDIJK- Frakshon Coffie a tuma nota di algun karta ku Stichting Monumentenzorg Bonaire a manda pa gobièrnu sin haña kontesta riba nan. 

Ta trata di 5 karta entre desèmber 2019 i novèmber 2021. Komo e Fundashon no tabata risi¬bi reak-shon, últimamente a disidí di manda kopia pa miembronan di Konseho Insular. E kartanan akí ta trata dos tópiko. Finansiamentu di restourashon di monumento i posishon di “Stichting Monumentenzorg Bonaire”. 

Pa straño ku ta parse, asina Coffie ta trese dilanti, e fundashon no a risibí riba e kartanan aki. ‘Den e kartanan akí e trabounan di preparashon ku Stichting Monumentenzorg Bonaire a bin ta hasi ta bini na òrdu, sin ku e fundashon haña e reakshon i/òf sosten nesesario di parti di gobièrnu. Ta inkreibel kon gobièrnu ta atendé ku nos monumentonan. Si no duna ni e organisashon ku gobièrnu mes a in-sta¬lá pa guia e trabou e sosten nesesario, kiko ta para di e monumentonan mes.

Konsekuensia

Según Coffie, e echo ku no ta atendiendo e asunto di Stichting Monumentenzorg tin su konsekuensianan tambe. “Loke ta mas di lamentá ta ku tin fondonan aksesibel via “Nationaal Restauratiefonds – Fondo Nashonal pa Restorashon” pa loke ta trata mantenshon di monumento, pero sin koperashon di gobièrnu esakinan no ta bira disponible”, asina e konsehal ta trese dilanti. 

Tambe e konsehal a kue e situashon di Pasagrahan komo ehèmplel di kiko por pasa si no pone atenshon na edifisionan ku tin un balor históriko pa e isla. “Passangrahan ku ta sentro di nos gobernashon, un di e monumentonan mas mahestuoso di nos isla, mes ta haña un trato ku por kualifiká komo un falta di interes kompleto di parti di nos gobièrnu”, asina Coffie a trese padilanti.