KRALENDIJK – Tourism Corporation Bonaire (TCB) a anunsiá ku Davidlee Winklaar a uni na nan programa di Embahadónan Lokal den preparashon pa su partisipashon na WAKO Pan American International Kickboxing Championship 2023 na desèmber.

E kolaborashon aki, marká pa e firma di un Memorandum di Entendementu (MOU), ta nombra Davidlee Winklaar komo ‘Profesional Lokal’ i ‘Embahadó Lokal’ prominente pa Bonaire.

Ku e akuerdo aki, ta kuminsá un kolaborashon duradero pa promové e naturalesa bunita di Bonaire atraves di diferente inisiativanan, kompetensianan, eventonan i proyectonan. Davidlee Winklaar, un atleta apasioná ku logronan impreshonante den arte marhá, lo hunga un rol klave den e esfuersonan aki.

Davidlee Winklaar a demostrá su dedikashon i talento anteriormente dor di gana e Kampionato Pan American di WAKO na México na 2018. Su anunsio aktual di un regreso, titulá “E último bai’e,” ta tin komo meta partisipá na e Kampionato Pan American di Kickboxing na Brasil.

Actualmente, Davidlee ta preparando su mes pa representa Bonaire na e Kampionato Pan American ku ta planiá pa 10 di desèmber 2023 na Sao Paulo, Brasil.

Kolaborashon

E kolaborashon entre TCB i Davidlee Winklaar ta ilustrá nan kompromiso pa mustra kultura úniko di Bonairu, deportenan, i talentonan eksepsional di e isla riba esenario mundial. Huntu, nan ta aspirá pa hasi un kontribushon balioso na kresementu i reputashon di e isla den e arena internashonal.