Deklarason di Pisas a pone hende na Boneiru kere ku no mester di PCR mas pa biaha bai Kòrsou

KRALENDIJK/WILLEMSTAD- Un deklarashon di Minister Presidente di Korsou, Pik Pisas, ku por usa QR code di Boneiru pa biaha pa Kòrsou a pone hopi hende kere ku for di día 27 di e luna aki, lo no mester hasi PCR tèst mas pa biaha bai Kòrsou. 

Hopi hende a tende e parti di e QR kode, i a pensa ku ta esei so ya ta sufisiente pa biaha bai Kòrsou. Sin embargo, esaki ta dependé di kua país un biahero ta sali, i e nivel di riesgo ku e país en kestion tin. Por ehèmpel, un biahero di Hulanda ku su QR code i ful bakuná, ya no mester hasi PCR tèst mas, aunke semper lo tin ku hasi e tèst antígeno sí, na e di 3 dia despues di yegada. 

Risiko hopi haltu

Sin embargo, loke Pisas a trese dilanti no ke men ku hende for di Boneiru ku ta biaha bai Kòrsou lo no mester pasa tèst di PCR mas, debí na e echo ku Boneiru ta kai awor den kategoria di paisnan di riesgo hopi haltu. AworBonaire djabièrne anochi a konsultá departamento di aviashon sivil na Kòrsou, i nan tambe a konfirmá ku Boneiru, dor di su riesgo hopi haltu i nivel di kontagio aktual, lo mester sigui hasi tèst di PCR. Esaki lo keda asina tambe, te ku ora kategorisá e islan den un grupo di ménos riesgo, ku ta e kaso aktual.