Delfins kontentu ku promé eksperensia komo ‘hotèl di kuido’

Kralendijk- Delphins ta kontentu ku e promé eksperensianan fungiendo komo un asina yamá hotèl di kuido na Boneiru. Resientemente a risibí algun habitante di Kas di Kuido i tambe 1 persona di hospital.

Den e akuerdo entre Mariadal i Delfins, sierto hende ku mester di kuido por hospedá na e hotèl. E dos partidonan ta mustra ku esaki por intensivá turismo médiko na e isla. Delfins ta enfatisá ku no ta trata di pashentnan ku tin Covid.

E hotèl tin dos personas spesial enkargá pa kordina wespetnan ku tin mester di kuido, den persona di Danielle Geenevasen i Niels Sevenhuizen. Ámbos persona tin eksperensia den kuido.