Notisia

Delfins Swimming Club a regresá for di Kòrsou ku 23 medaya!

E landadónan hóben despues di nan regreso na Boneiru

KRALENDIJK – For di dia 27 di mei te ku dia 29 di mei tabata e famoso Hesley Heerenveen torneo na Korsow. Un grupo grandi di landadónan di Delfins Swimming Club Bonaire a partisipá na e torneo aki.

Depues treinennan basta intenso, i treinennan tékniko den pool, e landadónan tabata bon prepará pa realisá buta tempu nèchi. Ku no ménos ku 23 medaya, 23 banderitanan i 2 High point trophynan , Delfins Swimming Club Bonaire a regresá Boneiru.

E skor di medaya ta:

  • Chenice Bergman Oosterlee 4x oro, 2x plata, 1x bròns
  • Tyzick Pourier 2x oro, 2x plata, 2x bròns, 2nd Highest point trophy
  • Faricha Bergman Oosterlee 3x plata, 3x bròns, 3rd Highest point trophy
  • Vyenne Winklaar 1x plata
  • Tarik Bergman Oosterlee 2x bròns
  • Sujay Henriquez 1x bròns

Banderitanan tabata tin pa entre otro Shanique Angela, Jordan Pourier, Najenah Pourier, Tarcilion Morillo, Klayvin Espinal i Ramson Pikerie.

Satisfecho

E treiner, Marylou Felida tabata masha kontenku ku tur resultadonan, kasi kada landadá a landa un rèkòrt personal òf un promé tempu hopi bon. “Ya mi ta entusiasmá pa nos bai Aruba pa Aruba Dolphins Invitational”, asina Felida a bisa.

Delfins Swimming Club Bonaire ta bisa di ta hopi agradesido tambe na sponsornan ku a hasi e biahe posibel, manera Entidat Públiko Boneiru, Fundashon Wega di number Boneiru, Real Dutch Bakery, FXDC Communications i Rokargo. 

Tambe Delfins a ekspresá apresio pa tur mayornan ku a biaha bai Kòrso pa apoyá e muchanan. 

Deel dit artikel
Rocargo
Rocargo
Rocargo
Rocargo