Demokrat no tin intenshon di negoshá via prensa

KRALENDIJK- Den un relato di prensa djadumingu, komishon di Informadó di Demokrat ta bisa ku nan a tuma nota di vários notisia sirkulando tokente formashon di un gobièrnu nobo riba niveal insular. 

“Komishon di Informadó di Demokrat ta poko sorpresá ku varios persona ta preferá negoshá via prensa, en bes di sigui un proseso transparente i strukturá pa nos yega na un gobiernu stabil i duradero”, asina e komishon a bisa den nan komunikado.

Tambe ta enfatisá ku e partido ta tumando e responsabilidat pa yega nan un gobièrnu nobo na serio. “Nos ta kere ku – banda di tur otro problema ku a surgi i oumenta den e periodo di gobernashon ku a pasa – gran parti di e sklama pa kambio ku Boneiru a laga tende riba dia 15 di Mart tin di deber ku e falta di transparensha, e falta di dunamentu di kuenta i rason na pueblo ku Boneiru a eksperiensha den e ultimo añanan”, asina e komishon a sigui bisa na nòmber di su bosero, Dudley Wederfoort. 

Mas grandi

PDB ta suprayá, un biaha mas, ku partido ku e total di voto mas grandi di Boneiru, nan a tuma inisiativa pa habri kombersashonan pa yega na un gobiernu nobo mas pronto ku posibel.