Den wikent tras di lomba: Atrobe aglomerashon na bich

Kralendijk- Den e fin di siman tras di lomba, varios biaha polis mester a bin den akshon pa plama hende for di otro. Esaki KPCN ta laga sa den un komunikado pa prensa.

Na un bich na e parti sùit a pidi un grupo di 15 persona pa bandoná e sitio.  Na dos bich a topa personanan ku bebida alkohóliko. Nan a haña un prosès ferbal. Un persona ku tabatin kokolishi di karkó huntu kuné tambe a haña un prosès ferbal.

Na dos kunuku a duna un grupo di 25 i un grupo di 10 persona prosès ferbal pa aglomerashon i pa konsumo di alkohòl.