Departamentu di Investigashon Forènsiko di KPCN ta haña ‘ID-Zuil’

KRALENDIJK – E departamentu di Investigashon Forènsiko (FO) di Kuerpo Polisial Hulanda Karibense resientemente a kuminsá hasi uzo di un asina yamá  ‘ID-zuil’ (pilá di ID) pa kaptura e asina yama informashon biométriko: ‘fingerprint’i pòtrèt di kara.

Kaminda den pasado ku yudansa di enk i papel tabata tuma ‘fingerprint’, awor ta skèn esakinan di forma digital kaminda mesora ta midi kalidat di e ‘fingerprint’. Banda di esaki e ‘ID-zuil’ ta saka pòtrèt di sospechoso na  di manera standardisá.

Den kuadro di rastreo ta importante pa tuma mas tantu informashon posibel di sospechosonan. Banda ku trahamentu sin enk ta mas agradabel, e ‘ID-zuil’ ta duna mihó kalidat di prent. I kaminda ku te ku awendia mester a prosesá tur informashon optené, na man den sistema di rastreo, ku ayudo di e ‘ID-zuil’ esaki a bira kompletamente outomatisá. Dor di e mihó kalidat di ‘fingerprint’ i potrèt e chèns pa identifiká un pista di un krímen a bira mas grandi tambe.

E agentenan ku ta traha den e departamento di FO tin un unifòrm un tiki diferente di e otro agentenan polisial tambe; kaminda e otronan tin strepi kolo hel den na blusa, nan tin strepi kolo pretu.

Kuerpo Polisial Hulanda Karibense ta atendé ku kriminalidat di manera mas efisiente dor di desaroyonan digital.