KRALENDIJK- Djasabra anoche e hobennan hungadó di beisbòl den kategoria di Pony League di Merka,a ser risibí bèk na kas dor di un multitut bastante grandi na aeropuerto Flamigo. 

Yegada di e deportistanan hóben a kai vários ora lat dor di retraso den e buelo for di Maimi pa motibu di mal wer. No opestante e yegada lat, tabata tin hopi hende na aeropuerto. 

E hungadónan a pasa dor di diferente barionan den un bùs spesial pa asina selebrá nan viktoria. Kuerpo di bombero di Karibe Hulandes a saluda e hungadónan ku, entre otro, luznan di alarma sendí na nan salida for di aeropuerto.

Subkampion

E hobennan hungadó di Pony League a bira subkampion den weganan Gold Championship US Pony League ku a tuma lugá na Estados Unidos. Esaki ta un logro grandi pa un isla chikitu manera Boneiru. Direktor di INDEBON, Terence de Jongh, ta mustra su entusiasmo tokante prestashon di e grupo di hó. “Esaki ta mustra ku deporte ta bezig ta desaroyando di forma positivo na Boneiru.”