PORT-OF-SPAIN- Despues di un ousensia di kasi 20 aña, djasabra awor KLM ta reanundá su buelonan pa aeropuerto Piarco di Trinidad. E buelonan ta bai wòrdu ehekutá tres biaha pa siman, den kombinashon ku Barbados. 

Minister di turismo di Trinidad & Tobago, Radall Mitchell, ta bisa di ta hopi kontentu ku e buelonan di KLM. “Esaki ta trese masha hopi oportunidat pa nos, no solamente ku turismo for di Europa, pero tambe otro paisnan kresiente”, asina Mitchell a bisa. 

Zomercarnaval

Mitchell a mustra tambe riba a Zomercarnaval na Rotterdam. “ Manera boso sa Trinidad ta konosí pa su karnaval. Ku e buelonan aki, ta bira faktibel ku nos hendenan kreativo bai Rotterdam pa nan tambe partisipá. 

Mitchel ta bisa ku e buelonan di KLM ta mustra ku tin interes den e lokual Trinidad i Tobago por ofresé na turista. “Nos tin un kultura vibrante, pero banda di esei nos ta ofresé tambe solo i playa”.