Di awor pa dilanti tèst na BonLab den kaso di keho di corona 

KRALENDIJK- For di dia 4 di yüli 2022, no ta usa mas e kaya di tèst di Salubridat Públiko. For di e fecha ei, hendenan ku keho di corona mester tèst, solamente ku sita via 0800 0800, na BonLab. 

Siudadanonan i bishitantenan ku keho di corona por yama 0800 0800 gratuitamente pa un tèst di corona na BonLab. Bishitantenan ku un  number di eksterior, por yama +599 715 5399. E number akí no ta grátis. 

E kantidat di tèst na e kaya di tèst di Salubridat Públiko a baha. Esei ta bini entre otro pa motibu ku a eliminá karentena. Kontaktonan estrecho di un persona kontagiá sin keho, tampoko no mester tèst mas. Solamente nan mester tèst si nan tin keho. 

Medida

Na Boneiru no tin medida di corona mas. Pero e virùs tei ketu bai. Salubridat Públiko ta enfatisá ku ta importante pa sigui e reglanan básiko. Pues laba man regularmente, tosa/nister den èlebog, laga airu pasa frekuentemente den espasio i tèst ora tin keho.