Di dos periodo di ‘Alivio’ di Entidat Públiko Boneiru ta bai kuminsá

Kralendijk – Pa di dos bia empresarionan i empleadonan (ku a haña retiro) por risibí un kompensashon pa nan gastunan nesesario di kas. E kompensashon ta pa e periodo di aprel te ku yüni 2021. E kompensashon ta minimal US$500,00 pa kas di famia pa luna. Den kalkulashon di e suma ta wak kiko e kas di famia falta pa luna pa por paga e gastunan nesesario di kas. Hasi petishon pa Alivio? Yena e formulario di petishon riba https://bonairegov.com/pa/habitante/alivio. Por hasi petishon for di 11 di ougùstùs 2021 te ku 31 di ougùstùs 2021.

Tur kondishon i informashon adishonal ta disponibel riba https://bonairegov.com/pa/habitante/alivio. Por entregá formularionan kompletamente yená i firmá, huntu ku e aneksonan nesesario via e-mail na alivio@bonairegov.com. Tambe por pasa di djaluna te ku djabièrnè di 08.00 or pa 11.00 or na ofisina di Komunidat i Kuido na Kaya Neerlandia 41 pa entregá esaki. Tene na kwenta ku no ta prosesá e petishon si e no ta kompleto.

Pa preguntanan urgente i ayudo ku aplikashon por tuma kontakto ku direktorado Komunidat i Kuido via 715 2211.

---

Lesa tambe:

• 
  Enkuesta: Kompetensia inhustu pa kompanianan lokal na Boneiru?
• 
  Sobrekargo di siguridat lo hasi pasashi for di Kòrsou un tiki mas karu atrobe 
• 
  TCB ta wak bèk riba eksitoso konferensia di turismo
• 
  Aeropuerto Flamingo no ta satisfecho ku sistema nobo pa entregá maleta
• 
  A renombrá Representante di Reino interino pa Boneiru, Sint Eustatius i Saba