KRALENDIJK- Djarason gobièrnu di Boneiru a duna mas information kon lo bai selebrá día di Rincon 2022. 

Felix ‘Papito’ Thomas, hefe di SKAL, a splika tokante e selebrashon. “Dia di Rincon ta na kaminda SKAL ta enkargá ku e parti di aktividat kultural. Mayoria bario tin nan fecha di selebrashon. Esei ta nos deseo pa kada bario selebrá un fiesta 1 bia pa aña.   Resientemente a hasi posibel pa prepará pa e fiesta. Den konsulta ku otronan,  nos a bisa no por laga e dia bai bashí. Nos a haña un organisashon ku ya den pasado a organisá aktividat riba e fecha dia di Rincon. Nos ta bai organisá fiesta dia 30 di aprel, sinembargo mester tene kuenta ku ainda tin regla di e pademia di  covid-19 ku ta na vigor.

E organisashon ku a duna su aporte ya a organisá dia di Rincon virtual. Nos no ta spera aglomerashon di hende, sinembargo si hendenan por reuní riba e fecha 30 di aprel na Rincon. 30 di aprel so ta bai tin selebrashon, no e dianan promé ku e fecha.”

No manera semper

Diputado Nina den Heyer a splika ku e tempu ta kòrtiku pa por organisá Dia di Rincon e aña aki na e manera ku a kustumbrá. “E tempu ta kòrtiku pa organisá i selebrá dia di Rincon manera ya pa hopi aña a kustumbrá. Fudeco no a hasi petishon pa e fiesta. Mirando ku ta promé aña ku ta bai hasié ku e dia liber, nos a skohe pa tòg den e tempu kòrtiku pa hasi algu. Ta importante pa tene kuenta ku covid-19 no a disparsé. Ta un fiesta di pueblo i union pa nos. E aktividat ta bai ta kontrolá. No ta organisá den su totalidat. E no ta bira ainda un fiesta tur afó”, Den Heyer a bisa. 

Marjolijn (Leintje )Kroon organisadó dia di Rincon 2022. “Nos ta hasi e parti di produkshon i ya nos a organisá virtual kultural, komo si fuera dia di Rincon. Mi kultura te kos. 30 di aprel mas ku 10.000 hende ta drenta Rincon. Ta un lema ku por usa tur ora. E kultura boneriano te kos. Nos a aserka SKAL i a pensa pa e aña aki organisá atrobe algu virtual i despues a bira posibel pa organisá fiesta den Rincon. Nos ta bai kuminsá poulatinamente i huntu nos ta organisá algu”, asina Kroon a splika. 

Programa

Manera esnan enkargá a splika, mainta lo inisiá ku e parti protokolar mainta, despues skal ta sigui ku e otro partinan di fiesta. Bar, kos di boka dushi, pues un fiesta manera kustumbrá riba 30 di aprel pero adaptá. 

Un total di 8 banda lo presentá riba e día. Esakinan lo ta solamente agrupashon musikal di Boneiru. Tin paradanan di entre otro gruponan di kustumber durante dia i atardi e parada i tambe lo tin e simandan di kustumber.