KRALENDIJK – E celebrashon di Dia di Rincon e aña aki no solamente ta parese mas grandi i mas bunita ku anteriórmente, pero tambe ta mas yena ku hende ku nunka antes. 

For di oranan di mainta, durante e parti ofisial di e celebrashon, tabata yena ku hende. E kantidat di hende a keda mas grandi durante e dia. Den oranan di atardi, entre kuat ‘or i sink’or di  atardi, tabata asina yena ku e outomobilnan ku tabata tin un fila riba hinter e kaminda for di Playa pa Rincon. Pa falta di sufisiente lugar di parkeer na Rincon, e bishitante mester a stashoná nan outo na e warda bieuw di Polis na entraa di Rincon. 

E partisipantenan di e parada di folklor tambe no tabata kansa di baila i e diferente gruponan a keda tira vuelta tras di vuelta den kayanan di Rincon.  por a jega di tin bastante i e diferente bananan, ku nan grupo di baliadó tras di nan, tabata pasa bek riba e kaya. 

Despues di mas di dos aña di interrupshon pa kausa di pandemia di Corona, parese ku tur lus tabata bèrdè pa atraé hopi hende no solamente di Boneiru mes, pero tambe hopi bishitante djafó. 

Pasashinan di tantu Divi Divi a kaba for di simnannan atras. Tambe, e hecho ku tin un fin di siman largu pasobra Dia di Obrero ta kai riba djalua lo a kontribuí na atraktividat pa bishitante, espesífikamente di Kòrsou i Aruba.

Simadan di Doei ku Chana

Pa djaluna atardi tin riba programa ainda e simadan na honor di Doei ku Chana Diaz. Esaki lo sali banda di kuator di atardi for di dilanti di Van den Tweel supermarket.