Tabata tin hopi dosente presente pa duna studiante potensial splikashon tokante e diferente estudionan riba nivel di MBO. Pòtret: ABC Online Media

KRALENDIJK- Despues di algun aña, atrobe MBO por a organisá un dia habrí, djasabra 1 di aprel, kaminda por a inskribí pa bai e skol personalmente. 

Liset de Keijzer, direktor di MBO a bisa e ta kontentu kon ta bayendo ku e dia di inskripshon i si e ke remarká, pa hendenan kumpli ku palabrashon.  

“Nos a manda 200 invitashon, mas ku 50 kolega tabata presente pa yuda e famianan”, asina De Keijzer a splika. Ya tin 15 di e opleiding ku MBO na Boneiru ta ofresiendo, di diferente nivel. 

Aunke ku studiantenan potensial por haña informashon di estudio na nivel MBO ònlain, segun de Keijzer ta bisa ku por ta importante pa pasa personalmente. “Ora pasa personal hopi biaha e komunikashon ta bai mihó, i nos por duna mas splikashon tambe tokante e diferente estudionan ku por hasi na MBO Boneiru.