KRALENDIJK- Segun bosero di Polis riba djasabra 24 di sèptèmber tabata tin vários aksidente ku a tuma lugá na Boneiru, kaminda tabata tin un daño basta konsiderabel. 

Den oranan di atardi un aksidente entre dos outo a tuma lugá riba Bulevar Gobernador Nicolaas Debrot. E outonan a dal frontal den otro despues di kua un di e outonan a bòltu riba su banda. No tabatin herido. 

Algu mas lat, alrededor di 7.45 or di anochi un aksidente entre un outo i un quad a tuma luga riba Kaya Industria. Ambulans a transporta shofùr di e quad pa hospital pa tratamentu médiko. 

Análisis di rosea

A bai ku shofùr di e outo warda pa hasi un analísis di rosea i a base di resultado di esaki a dune prohibishon pa manehá.