Kralendijk- Den un video riba feisbuk ku a keda kompartí den transkurso di djaweps, diputado Den Heyer a hasi un apelashon riba habitantenan di Boneiru pa keda kas, si no ta nesesario pa sali.
Segun Den Heyer a bisa, ménos un hende sali for di su kas, ménos chèns tin ku lo pega ku òf plama e virus di Corona.
‘Ora di bai hasi kompras, dentra supermarket, kumpra loke bo tin mester i sali bai bo kas. No bai para kombersá ku otro hende’, asina Den Heyer a konsehá. Den Heyer tambe a referí na otro tiendanan di importansia ku ta keda habrí. ‘E idea no ta pa bo pasa wak ki pòchi di mata nobo tin òf ki kos nobo leuk nan a haña, pero di kumpra algu di nesesidat, manera un kranchi nobo’, segun Den Heyer a bisa.
Kaya
Ámbos Den Heyer i gezaghèber Edison Rijna ta di opinion ku tin mas hende riba kaya, ku ta estriktamente na nodi. Ámbos ta hasi un apelashon riba hende pa keda kas mas tantu posibel. Den Heyer tambe a hasi un apelashon riba hende pa no sinta warda medida ku ta bin di ariba, esta gobièrnu.
Den Heyer a splika ku, komo mama di dos teenager ku e tin ku tene na kas, ku no ta nada fásil. ‘E ta nesesario pa un temporada. Ban hasiele huntu. Mi sa ku nos por’, asina Den Heyer a konkluí su mensahe.
Special Olympics Bonaire ta kla pa bai Berlin pa weganan di Special Olympics World Games 
Elvia Tjin Asjoe ta enkurashá tur Boneriano pa bakuná kontra di Corona
M21 ku Partido Demokrat a firma akuerdo di koperashon
Stampia spesial di Máxima optenibel na Boneiru tambe
