Diputado Jolinda Craane kontentu ku buelonan di WINAIR pa Boneiru

KRALENDIJK- Diputado di Ekonomia i Turismo, Jolinda Craane, ta kontentu ku e buelonan ku WINAIR a reanudá pa Boneiru.

Esaki e diputado a trese dilante durante e seremonio di bonbiní ku a organisá djadumingu den oranan di mèrdia na yegada di WINAIR su ATR-42 for di St. Maarten i Kòrsou. Despues di a risibí e buelo riba plataforma, durante un enkuentro festivo na Tecnobar, Craane a bolbe ekspresá su satisfakshon ku e buelonan na hefe di stashòn di WINAIR na Kòrsou, Steve Sloop.

“E buelonan aki no ta solamente bon pa Boneiru for di un punto di bista di turismo, pero tambe pa nos hendenan ku tin mas opshon di bula entre Bonaire, Kòrsou i St. Maarten pero tambe otro islanan di Karibe”, asina Craane a bisa.

Despues di a parti ofisial kaminda vários hende a hiba palabra diputado huntu ku entre otro Steve Sloop, Miles Mercera i Miss Tourism Bonaire a kòrda e bolo ku a traha pa e okashon.