Diputado Nina Den Heyer tin sosten di UPB pa sigui komo diputado

KRALENDIJK- Diputado Nina den Heyer ta sigui ku sostén di su propio partido Movementu di Pueblo Boneriano (MPB). Esaki por konkluí for di un komunikado ku e partido a manda pa prensa siman pasá. 

Diputado Den Heyer, ku resientemente a indiká ku e lo no ke partisipá na un siguiente elekshon, a indiká tambe ku e ta tene kuenta ku e posibilidat ku su partido lo ke retir’é for di e posishon komo diputado despues di e desishon aki. 

“Apesar ku direktiva di MPB ta lamentá ku un gobernante kapas i sigur komo hende muhé manera Nina lo no sigui den polítika, nos ta komprondé i respetá Nina su desishon i ta sosten’é den esaki”, asina e partido a skibi den un komunikado pa prensa. 

Orguyoso

Tambe a partido a elogiá e trabounan ku Den Heyer a hasi den último añanan. “Direktiva di MPB ta sumamente orguyoso di e trabounan desplegá pa Nina ku MPB for di 2013, pero tambe  komo diputado pa MPB riba área sosial pa kasi 5 aña. Nina a logra hopi pa Boneiru i a toka kurason di hopi hende. Pa esei direktiva ta kontentu ku Nina ta sigui komo diputado aworakí”, según e deklarashon di MPB.