Notisia

Diputado Thielman ta mira nada malu ku e OVO nan ku ta denunsiá den karta anónimo

Thielman ta kere ku bon planeamentu i e invershonan korekto, por evitá molester den e área. Pòtret: ABC Online Media

KRALENDIJK- Diputado di Finansa i Turismo, Hennyson Thielman, no ta mira nada malu den e akuerdonan di enkargo, e asina yamá OVO-nan ku a sera ku diferente persona ku ta ehekutando proyekto den e aparato públiko. 

Esaki Thielman a bisa Awor.nu den reakshon riba un karta ku ta bezig ta sirkulando rònt e dianan aki, kaminda ku ta akusá Thielman di ta gastando sumanan kuantioso na hürmentu in di diferente persona. “Klokkenluiders binnen het Openbaar Lichaam Bonaire maken zich grote zorgen over de integriteitsproblemen in het bureau van Gedeputeerde Hennyson Thielman (MPB). Al enkele jaren laat Thielman MPB-leden, waarvan sommige zelfs op de kandidatenlijst staan, grote bedragen uitbetalen voor onduidelijke werkzaamheden, soms meer dan tonnen per jaar”, asina e karta ta kuminsá.

Segun e diputado a splika, no tin nada nobo, ni nada partikular ku esaki. “Ya pa hopi aña ta serando kombenio ku sierto persona ku no ta drenta servisio di e aparato públiko, pero ku si ta yena sierto puesto pa un periodo temporal òf pa un proyekto partikular. 

Tur koló

Tambe Thielman a desmentí ku spesífikamente ta faboresé personanan ku ta liá na e Kolegio Ehekutivo aktual. “Tin OVO ku a sera ku diferente persona di tur koló di e spektro polítiko. Pesei mi ta bisa ku e no ta nada nobo, e ta di tur tempu i no ta trata di personanan ku tin afiliashon polítiko ku e BC aki so”. 

Deel dit artikel
Rocargo
Rocargo
Rocargo
Rocargo