SCHIPHOL – Dick Benschop ta haña un di dos termino komo direktor di Schiphol Group. Esaki e hunta di komisario di e aeropuerto hulandes a disidí. Ku e nombramentu aki, Benschop lo keda direktor te ku promé di mei 2026.

Benschop a kuminsá komo direktor di Schiphol Group dia promé di mei 2018, kaminda ela sigui e direktor anterior Jos Nijhuis. Promé ku esaki Benschop tabata, entre otro, direktor di asuntunan eksterior pa Partij van de Arbeid.

“Mi ta masha honrá ku e konfiansa den mi i tambe kontentu di por sigui forma parti di e tim di Schiphol”, asina Nijhuis a bisa. Nijhuis a bisa tambe ku e ta sumamente motivá pa sigui guia e rekuperashon di e aeropuerto despues di Covid.

Liderazgo ekselente

Segun Louise Gunning, presidente di e hunta di Komisario, Benschop a liderá Schiphol di un manera ekselente den añanan tras di lomba. “Den añanan binedero lo tin hopi énfasis riba kalidat pero tambe sostenibilidat di e aeropuerto. Esaki lo determiná e direkshon ku nos ta bai den e añanan ku ta bin aki”, asina Gunning a bisa.