Notisia

Direktora di Liseo Boneriano ta lamentá eskoho di palabra den splikashon duná

Sol a duna kontesta riba vários pregunta den Konseho Insular.

Kralendijk- E direktora di Liceo Boneriano Barbara Sol den un presentashon na Konseho Insular djarason atardi a bisa di ta lamentá e eskoho di palabra ora di splika areglo nobo pa mucha nan ‘bai ofer’ di un klas pa otro.

Segun Sol, e areglo nobo lo mester traha na bentaha di e mucha, pero dor di eskoho di palabra, kaminda a bisa ku ‘baimentu ofer’ no tabata un derecho mas, esaki a pone e areglo nobo den un lus negativo.

“E manera ku a interpretá e areglo ta nèt kontrali na loke tabata su intenshon”, asina Sol a splika. Segun e direktora, kaminda ku antes un mucha ku ta kaba MAVO-IV, pa por a bai HAVO mester tabata wòrdu poné den HAVO-3, awor lo por bai HAVO-4, ku lógikamente ta mas bentahoso pa e mucha en kestion.

Tambe e direktora a desmentí kategórikamente ku mucha na Liseo no tin mag di keda sinta mas. “Al kontrario. Pa ami no ta un problema si un mucha tin ku dura 6 òf asta 7 aña pa kaba ku su estudio di HAVO, basta e kab’é sí”, asina Bol a splika.

Stòf

E kambionan den areglo pa loke ta yama ‘opstroom’ ku ‘afstroom’ referiendo na kambio den tipo di edukashon, pa sea subi ôf baha di nivel segun e mucha su kapasidatnan a lanta hopi stòf den komunidat, kaminda hopi mayor a sinti ku ta bai fòrsa nan yu di bai MBO of VMBO, na momentu ku esakinan no tabata skor sifra sufisientemente haltu na por ehèmpel HAVO. Segun Bol, esaki no ta e kaso.

Deel dit artikel
Rocargo
Rocargo
Rocargo
Rocargo