KRALENDIJK/WILLEMSTAD- DiviDivi Air a introdusí un identidat korporativo nobo riba su medionan sosial durante e último wikènt.

E logo nobo di e aerolínea ta mas bibrante ku esun aktual. Entre otro, un tono di blou mas kla ta sobresalí, ku un palu un poko mas abstrakto. Segun e kompania di aviashon, lo tuma algun tempu promé ku e kolónan nobo keda implementá tur kaminda den e kompania.

DiviDivi Air ta bisa tambe ku e logo nobo ta solamente un di e asuntunan ku ta trahando riba dje aktualmente. “Bo por spera un ola di inovashon i mehorashon”, asina e kompania di aviashon a bisa djadumingu.