Djadumingu ta habri ku bahada fuerte den kasonan aktivo di Covid na Boneiru

Kralendijk- Djadumingu dia 4 dia aprel a registrá un bahada bastante konsiderabel den a kantidat di kasonan aktivo di Covid-19 na Boneiru.

E kantidat di infekshon nobo ku solamente 9 persona ta mustra positivo, ounke mester mustra tambe riba e echo ku ta tiki hende a bai test: un total di 32 hende. E departamentu di Salubridat Públiko no ta sigur ainda si ta realmente ménos hende ku ta infektando na Boneiru, òf ku hende ta ménos motivá pa pasa tèst.

74 hende a rekuperá di Covid-19. En total tin 22 persona den hospital. Tin 16 persona hospitalisá na Boneiru. Tin 1 persona den hospital na Aruba i 5 persona den hospital na Colombia. E persona ku tabata hospitalisá na Kòrsou a bini bèk hospital na Boneiru.