KRALENDIJK – Na luna di yanüari mas ku djesseis mil turista, ku a keda mas ku un dia, a bini Boneiru, e asina yamá bishitantenan stayover. Esei ta djes porshento mas ku den e aña promé ku corona 2019, segun e organisashon turístiko na Boneiru, TCB.

E kresementu ta bini di e dos merkadonan mas grandi di Boneiru ku ta Hulanda i Merka . Na yanüari a bini kasi 8.500 bishitante Hulandes, 51 porshento di e total.

Tambe a bini kasi 1.500 bishitante di Kòrsou pa mas ku un dia, ocho porshento di tur bishitante na Boneiru.

Bishitantenan di Estados Unido a keda un promedio di shete anochi, di Hulanda un promedio di djeskuater anochi. Ademas mayoria Merikano ta di edat madurá (55+), mientras mayoria Hulandes ta mas hóben (45+).

Barkunan krusero

Na luna di dezèmber di aña pasá trinta barku krusero a bishitá Boneiru, ku na tur kasi 75.000 pasahero.