Boneiru

Djòin DCNA su grátis Big Live Nature Quiz i gana un Paseo ku Boto di Bela

Kralendijk – Dutch Caribbean Nature Alliance (DCNA) ta invitá tur habitante di Aruba, Boneiru, Kòrsou, Saba, Sint Maarten, i Statia pa partisipá na e promé kues di naturalesa “Big Live Nature Quiz” riba djabièrnè 2 di yüli, pa 6 or pm. Partisipashon ta grátis, ‘online’, en bibo, interaktivo i ta trata di preguntanan tokante animalnan di Hulanda Karibense. E kues di plaser akí ta na ingles pero e preguntanan lo tin tambe nan tradukshon den e suptítulo na hulandes i papiamentu. Bo por partisipá via konekshon di internèt “online” òf por bai na un di e lugánan di transmishon riba bo isla. Bo por djòin bo so òf forma un tim ku por máksimo 4 amigu/famia/kolega. E tim ganadó lo gana un paseo ku oportunidat pa snòrkel riba boto di bela rònt di nan isla. Sigurá bo partisipashon ku bo registrashon na biglivenaturequiz.org.

Fecha i Orario

Ta invitá siudadanonan di e seis islanan di Karibe Hulandes di 18 aña i mas pa partisipá na e promé anual “Big Live Nature Quiz” pa adulto. E kues lo tuma lugá riba djabièrnè, 2 di yüli 2021, di 6 or pa 7 or pm AST. Lo tin un pousa chikitu meimei pa por sosialisá i tuma algu di bebe i pasaboka pa prepará pa bai di dos ròndu.

Timnan

Por djòin bo so òf forma un tim ku por máksimo 4 amigu/famia/kolega

Lugá

Por partisipá na dos manera. Partisipantenan por hunga en bibo (“online”) for di kas òf ofisina ku amigu i famia òf bai na un bar òf restorant indiká (Boneiru: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar) kaminda ku lo tin transmishon en bibo. 

Reservá bo lugá

Gruponan konsistiendo di unu te kuater miembro mester registrá adelantá na biglivenaturequiz.org pa por partisipá. Personanan ku tin gana di presensiá e transmishon bibu na un sitio di transmishon tambe mester reservá un lugá na e bar (Bonairu: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar).

Rekisito

No ta nesesario pa hasi preparashon òf studia material adelantá pa partisipá na e kues.  Tur loke mester tin pa por partisipá ta registrá via internèt na e “online” registrashon (biglivenaturequiz.org), un konekshon di internèt, un kòmpiuter,un telefòn pa kontestá pregunta, i un mentalidat positivo.

Si bo ta forma un tim i ta djòin e kues for di kas òf trabou, boso mester ta físikamente huntu na 1 kòmpiuter i boso mester tin 1 selular pa tim pa manda kontesta di boso tim.

Si bo ta djòin for di un di e barnan indiká, bo lo tin mester di registrá solamente “online” na (biglivenaturequiz.org), reservá un mesa un mesa na e bar (Boneiru: Hillside, Saba: Long Haul, St. Eustatius: Blue Bead Bar & Restaurant), St. Maarten: Dinghy Dock Sailors Bar) i bini ku un telefòn selular.

Tema: Animalnan di Hulanda Karibense

E kues lo tin un total di 35 pregunta komun, den e sistema di “multiple choice”. E kues ta na ingles pero e preguntanan lo tin nan tradukshon na hulandes i papiamentu. Lo tin sinku kategoria: Animalnan Marino, Animalnan Terestre, Zonido den Naturalesa, Espesienan Spesial, i Hende i Naturalesa.

Premio

E tim ganadó lo gana un paseo den boto di bela ku oportunidat pa snòrkel rònt di nan isla. Timnan ku sali na segundo i terser lugá lo risibí T-shirt ku sombré.

Kues anual pa adulto i mucha

DCNA ta sostené STINAPA Bonaire, CARMABI na Kòrsou, Aruba National Park Foundation, Saba Conservation Foundation, STENAPA na Statia i Nature Foundation Sint Maarten entre otro ku nan programanan edukashonal. A krea e kues “online” Big Live Nature Quiz pa eduká siudadanonan tokante konservashon di naturalesa na un manera interaktivo prèt, pa krea orguyo tokante e naturalesa di e islanan, motivá práktikanan ku ta bentahoso pa medioambiente, sostené proyektonan di konservashon di e parkenan, i ta konektá hende ku otro den e área di Hulanda Karibense. E kues ta un aktividat ku ta ripití anualmente pa adulto i pa mucha. E edishon pa mucha ta planeá pa fin di òktober.

Ministerio di Agrikultura, Naturalesa i Kalidat di Kuminda (LNV) i e aktividatnan di DCNA ta haña sosten generoso di Postcode Loterij di Hulanda.

Sigui e kues Big Live Nature Quiz

Check DCNA su página di Facebook (Dutch Caribbean Nature Alliance), Instagram (DCNAnature) òf biglivenaturequiz.org. Si tin kualke pregunta, manda un mensahe di imeil pa research@DCNAnature.org òf projects@DCNAnature.org or call us at +599-717-5010.


Lesa tambe:

Deel dit artikel
Rocargo
Rocargo
Rocargo
Rocargo