KRALENDIJK- Dòkter di Salubridat Públiko, Michael Mercuur, ta primerá ku e variante Omikròn lo bai sòru pa un subida basta drástiko di Omicron na Boneiru. Esaki a dòkter a bisa durante un konferensia di prensa djaluna anochi. 

Aunke ku te ainda no ta mira un subida di kasonan den hospital, ta muchu trempan pa pensa ku esaki lo no bin, asina Mercuur a splika. “Di eksperensia nos sa ku hende no ta yega hospital mesora, pero un 10 pa 14 dia despues di a wòrdu infektá, asina Mercuur a splika. 

Yudansa

Gezaghèber Edison Rijna di su banda a duna di konosé ku, si e situashon mester bira hopi kompliká, Hulanda lo sòru pa manda èkstra hende pa yuda na Boneiru. “E lineanan di komunikashon ku Hulanda ta hopi korto, i si mester, nos lo haña ayudo di Hulanda” , asina Rijna a splika.