Doño nobo pa Bondigro Supermarket

KRALENDIJK – For di 1 di ougùstùs 2023, Bonaire Discount Grocery B.V.  a bira doño nobo di Bondigro Supermarket.

Bondigro bou e anterior propietario a krese i bira un di e supermarketnan mas éksitoso na Boneiru. Bonaire Discount Grocery B.V. lo kontinuá e mision di e anterior propietarionan i lo sigui has esfuerzo tambe pa mantené e prijs di kompra na Boneiru alkanse di tur hende.

Bonaire Discount Grocery B.V. ta un empresa lokal nobo i ta forma parti di Sapias Holding B.V. Sapias Holding ta aktivo den sektor di hospitalidat na Boneiru pa dekada i ta operá diversos rekurso éksitoso manera resortnan, tèndanan, i distribuidòr di buki i restorant. E maneho di Bonaire Discount Grocery B.V. por kuenta ku un rikesa di eksperensia.

Sin kambio

“Bonaire Discount Grocery B.V. ta masha entusiasmá ku e ekipo aktual lo kontinuá ofresé bon servisio na Bondigro i su bishitantenan. E adkuisishon no lo trese kambio pa klientenan. E konosi ekipo di Bondigro lo kontinuá duna bonbini na boso na e mesun lugá bou di e propietarionan nobo”, asina tin skibí den un relato di prensa ku a saka djamars.