Tourism Corporation Bonaire (TCB) a apuntá Robertico R. Croes komo ‘Tourism Strategist & Advisor’. En nombramentu di Croes ta bin un korto tempu despues ku a anunsiá e Direktor nobo di TCB, Miles Mercera.
Croes ta trese mas ku 40 aña di eksperensia den e industria di turismo i asuntunan eksterior na su ròl nobo. Tambe, Croes ta un profesor, dekano asosiado (‘Associate Dean’) i Direktor na Dick Pope Sr. Institute for Tourism Studies na e universidat di Central Florida di Rosen College of Hospitality Mangement.
“Ta un momentu di sumo entusiasmo pa kontribuí na e strategia di e industria di turismo na Boneiru, mirando ku e isla no solamente ta rekuperando pero tambe ta posishoná su mes komo un isla renobá,” segun Croes a bisa. “Ta un honor pa mi por komparti mi ekperensia pa yuda guia Boneiru i e ekonomia di e isla den e direkshon positivo, mientras ku e isla ta risibí konosementu den e segmento nobo aki.”
Eksperensia
Robertico Croes su eksperensia amplio ta konsistí di publikashon di 4 buki tokante di maneho di turismo na destinashonnan tropikal, turismo i kon pa kombatí pobresa, e diferente retonan ku islanan chikí ta enfrentá, i aplikashon di modelonan di demanda di un ekonomia chikí. Den desèmber 2021, Croes lo publiká su di 5 buki titulá: ‘Small Island and Small Destination Tourism.’
Aña eskolar nobo a habri ku mas ku 28.000 studiante
Detenshon despues di bringamentu ku bate di beisbòl
Tourism Corporation Bonaire a rekonose e delegashon di Arte di Palabra
Seri di Webinar tokante maneho di Archivo Nashonal ta bai start
