Notisia

Duana ta deskubrí 697 kilo kokaina ‘Kurasoleño’ entre baterianan na Rotterdam

ROTTERDAM – Duaneronan Hulandes a haña ayera 697 kilo kokaina den un kònteiner ku bateria den haf di Rotterdam. E droga tabata skondí den 23 tas di deporte, Ministerio Públiko ta informá djamars.

E kònteiner a bini di Kòrsou i tabata na kaminda pa un empresa na Kampen. Segun Ministerio Públiko aparentemente e empresa no tin nada di haber ku e kontrabanda di droga.

E tim di HARC, un aliansa di duana, FIOD, polis di haf i Ministerio Públiko na Rotterdam ta investigá e deskubrimentu. A destruí e kokaina.

Deel dit artikel
Rocargo
Rocargo
Rocargo
Rocargo