Notisia

Duo ta blòkia prolongashon di pasport di miles di èks-studiante ku a disparsé for di radar

WILLEMSTAD – Esnan ku ta bibando den eksterior ku un debe di estudio i ku pagonan atrasá grandi, lo tin posibilidat ku nan no por prolongá nan pasport mas. E impakto riba e èks-studiantenan ta grandi, e matutino Trouw ta informá.

Mas ku 2700 èks-studiante ku ta biba den eksterior, no por a prolongá nan pasport den e último añana pa motibu di pago atrasá riba nan debe di estudio.

Ku esaki Dienst Uitvoering Onderwijs (Duo) ke fòrsa nan pa tuma kontakto pa kaba paga nan debe di estudio. Den mayoria kaso despues di a drenta un areglo di pago nan a haña un pasport temporal pa 12 òf 24 luna. 

Pèrdí

Duo a ‘pèrdè’ un kuart di e 100.000 èks-studiantenan Hulandes den eksterior. Nan adrès ta deskonosí. Un 80 porshento di e grupo aki tin pago atrasá. Si e pago atrasá ta mas ku 5000 euro, Duo ta laga pone e pasport den un registro. Nationale Ombusman ta krítiko riba manera di aktua di e servisio.

Esun ku su nòmber ta aparesé den e registro, no por prolongá su pasport promé ku el a drenta un akuerdo ku Duo. Generalmente esei ta un areglo di pago pa eliminá e pago atrasá. Si pa Duo e debedó ta ‘mustra di ta un sosio konfiabel’, ta eliminá e blokeo.

Deel dit artikel
Rocargo
Rocargo
Rocargo
Rocargo