HAARLEM – Despues di Hulanda a toka Cuba pa dobla pa e tim di beisbol di Kòrsou ayera. Number nuebe riba rènking mundial a pèrdè ku skor di 1-0. Johannes Gregorius jr. a marka e punto den di dos inning. Tabata di dos viktoria pa Kòrsou durante Haarlemse Honkbalweek.

Djadumingu ku a pasa Kòrsou a gana ku 8-6 di e tim di Hulanda den un partido spektakular. Nan a pèrdè kontra Hapon i Italia i ku esaki Kòrsou ta pará na di tres lugá.

Kòrsou ta remplasá e Taipei Chines na e kampionato. Nan mester a retirá nan partisipashon na e di trinta edishon di Haarlemse Honkbalweek pa motibu di un prohibishon di sali for di e pais pa ekiponan deportivo debí na covid. 

Na total 6 pais ta partisipá: Cuba, Merka, Hulanda, Italia, Kòrsou i Hapon.

Awe ta e último dia den e ronda di apertura. Kòrsou ta hunga kontra Merka. Si nan gana e wega of tabla, Kòrsou ta sigui pa semifinal. Si nan pèrdè e tim ta dependé di e resultado entre Hulanda i Hapon. 

E partido entre Kòrsou i Merka ta tuma lugá 09.30 ora di Kòrsou i por sigui’é  bibu via Honkbalsotfbal.tv.

(http://app.honkbalsoftbal.tv/)