Dutch Caribbean Nature Alliance Ta Organisá Seshon Partikular Di Konservashon Na Karibe Hulandes na Kongreso di Konservashon Mundial

Kralendijk – Dutch Caribbean Nature Alliance (DCNA) lo organisá i guia un seshon ku enfoke riba suprayá e nesesidat di oumentá sosten na aktividat di konservashon na Karibe Hulandes durante e Kongreso Mundial di Konservashon di IUCN (Union Internashonal di Konservashon di Naturalesa) otro siman.

E IUCN World Conservation Congress, ku ta organisá kada kuater aña ta trese diferente mil lider i agente di desishon di gobièrnu, organisashonnan sivil, pueblonan indígena, komersio i akadémikonan huntu, ku e meta di konservashon di medio ambiente i di hasi uso di e solushonnan ku naturalesa ta ofresé pa retonan global.

Pa medio di su miembresia di tantu IUCN Hulanda i e Komitiva Karibense di IUCN, DCNA ta bai enfatisá ku, apesar ku e region di Karibe Hulandes ta e foko di biodiversidat den Reino Hulandes, pa e region di Karibe Hulandes tin masha tiki atenshon pa preservashon i konservashon di naturalesa, partikularmente ora ku ta toka e impaktonan di kambio di klima ku ta na kaminda.

“Nos ta apresiá e oportunidat pa presentá Karibe Hulandes na e Kongreso Mundial di Konservashon, un di e enkuentronan mas grandi riba kalènder global. Apesar ku nos tin seis organisashon di maneho di parke na Karibe Hulandes ku ta presta trabou ekselente, no ta pone énfasis frekuentemente riba e trabou akí. Un otro área ku tambe nos ta focus ariba, ta pa pone énfasis riba e impaktonan ku kambio di klima tin riba nos islanan, ku ta na frente di e krísis di klima i mester tin mas ku e gobièrnunan ta hasi tantu denter komo pafó di e region, pa loke ta trata hasi e islanan mas refleksivo pa e impaktonan di un klima ku ta kambiando,” ta komentario di Tadzio Bervoets, direktor di Dutch Caribbean Nature Alliance.

E Kongreso tin komo meta kon pa mehorá nos manera di manehá nos medio ambiente pa desaroyo humano, sosial i ekonómiko, pero esaki no ta algu ku nos organisashonnan di konservashon so por logra. E Kongreso di IUCN ta e lugá pa pone diferensianan un banda i traha huntu pa krea un bon gobernashon di medio ambiente, ku embolbimentu di tur gremio di sosiedat pa kompartí tantu e responsabilidatnan i e benefisionan di konservashon. Na e seshon spesial spesial di Karibe Hulandes ku DCNA ta organisá, Patronisadó i miembro honorario di Dutch Caribbean Nature Alliance Gobernadó Holiday di Sint Maarten i tambe Gezaghèber sr. Edison Rijna tambe lo presentá nan opservashonnan.

Lesa tambe:

• 
  Sterilisashon di kachó i pushi ta keda grátis na Boneiru 
• 
  Hòmber ta muri na Blue Bay despues di kaida ku frishidèr 
• 
  Paga tinu riba uso di awa | Aviso
• 
  Lider sindikal di St. Eustatius Charles Woodley a bishitá su koleganan sindikal na Boneiru
• 
  Konseho insular ke kompanianan manera Western Union i Moneygram bèk na Boneiru