E dekretonan di balor pa ‘vastgoedbelasting’ pa e periodo 2021-2025 Boneiru ta na kaminda

Kralendijk – Lo manda e dekretonan di balor pa ‘vastgoedbelasting’ den yüni 2021 ku 01-01-2021 komo fecha di determinashon. Entrante medio yanüari 2022 lo manda e papelnan di belasting di ‘vastgoedbelasting’ 2021.

Ta kobra ‘vastgoedbelasting’ na doño di propiedat inmóbil manera un di dos kas òf edifisio di kompania. E kas ku e doño ta permanesé aden komo residensia prinsipal ta eksonerá di ‘vastgoedbelasting’ i ta kai bou di ‘grondbelasting’. Pa otro tipo di eksonerashon por chèk nos wèpsait.

Lo manda e dekretonan di balor pa negoshinan den un fase mas lat durante e aña.

E dekretonan di balor ta hasi menshon di e balor di propiedat inmóbil den e tráfiko ekonómiko. Ta determiná e balor a base di bentanan resien. Pa balor di kas i tereno di konstrukshon ta uza tambe e sifra di preis índise ku CBS ta stipulá.  Taksadónan ta determiná balor di edifisionan di kompania i ophetonan spesial a base di un taksashon di fachada.

Den kaso ku tin pregunta òf si bo ke mas informashon, por fabor tuma kontakto ku Belastingdienst via number di telefòn 715 – 8585 òf chèk nos wèpsait: https://www.belastingdienst-cn.nl/onderwerpen/vastgoedbelasting

Tin foyeto tokante ‘vastgoedbelasting’ optenibel na 3 idioma. Por haña esakinan riba e wèpsait bou di ‘vastgoedbelasting/documenten’.

Lesa tambe:

• 
  Edison Rijna nombrá komo representante spesial
• 
  Avion di EZ Air a desviá pa Cúcuta
• 
  Dos hóben Boneriano ta inisiá akshon di ayudo  
• 
  Stichting Dierenlot a hasi donashon di kuminda di bestia na banko di kuminda
• 
  Vakatura General Manager Beveiligingsbedrijf Bonaire