KRALENDIJK – Selibon ta tene un akshon di limpiesa den e bario di Antriol Pariba di 28 pa 31 di yüli. Durante e akshon ta pone konteinernan di sushi den e bario kaminda un i tur por tira sushi.
Ta stashoná e konteinernan di sushi di Selibon den e siguiente kayanan: Plasa Chiku Goeloe, Kaya Constancia, Kaya Isabel, Kaya Ester, Kaya Filomena, Kaya Mercedes, Kaya Rafaela, Kaminda den Stashi, Kaya Eda i Kaya Dr. Jose Hernandez.
Aparatonan elektróniko dañá manera televishon, frishidèr i mashin di laba paña por pone banda di e kònteiner. Tambe si e kònteiner di sushi ta yen, bo por laga e sushi keda atras na banda di e kònteiner.
E intenshon di e akshon di limpiesa ta pa tene Boneiru limpi. Un bario limpi i bunita ta importante pa salú, naturalesa i medio ambiente. Siman pasá a tene un akshon di limpiesa kaba den e bario di Tera Kòrá.
Studiantenan di MBO ta haña presentashon di Alzheimer
Establesimentu nokturno ta violá medidanan vigente en konekshon ku Covid
Koninklijke Marechaussee ku detenshon pa sospecho di labamentu di plaka
For di 26 di ougùstùs biahero for di Kòrsou, Aruba i St. Maarten mester hasi PCR tèst pa bini Boneiru
