E konsumidó Hulandes ta duna preferensia na bini Korsou i Boneiru enbes di biaha den Oropa

DEN HAAG – Den Oropa e konsumidó Hulandes ta gusta bai paisnan di Scandinavië, pero pafó di Oropa ta buk pa Kòrsou, Boneiru i Kaapverdië, segun informashon di Travelpro.nl 

E kantidat di reservashon den luna di yüni ta shete porshentu mas haltu ku e sifranan di 2019. Mayoria di destinashon a buk mas kliente ku den 2019, kaminda mester menshoná si ku destinashonnan mas serka i ku bo por bai ku outo en general ta skor mihó.

Reservashonnan pa Estados Unido, Asia i Oustralia/Nueva Zelandia ta ainda bou di nivel di 2019.

Travelpro ta kompará e sifranan di 2022 ku sifranan di 2019 pasobra e sifranan di 2020 i 2021 pa motibu di e pandemia di korona no ta sirbi komo material di komparashon. Ta hasi e sondeo tur luna bou di 40.000 pa 50.000 konsumidó den Hulanda.