E polítiko di D66 Samira Rafaela ta pone su mes kandidato pa D66 na Brussel

DEN HAAG – Samira Rafaela, un miembro prominente di e partido polítiko D66, a anunsiá ku e ta postulá su mes komo kandidato pa enkabesá e lista di D66 na Europa. Prosedente di Kòrsou i ku su eksperensia den e partido e ke laga un stèm progresivo i sosial-liberal zona den Parlamento Europeo.

Segun nan mes ta bisa D66 tin e reputashon ku e ta ofresé solushonnan práktiko pa retonan ku e kontinente Europeo ta konfrontando. Rafaela ta aspirá un Europa sosial i sigur, kaminda inklushon ta pará sentral. Su prioridatnan ta entre otro un transishon di klima hustu i inklusivo, un maneho di asilo humano i étiko i un merkado laboral aksesibel.

Ku su dedikashon i firmeza Rafaela ta spera di konvensé e pueblo Hulandes di e futuro Europeo. E ta kere ku D66 ta e partido ku por trese e futuro aki mas serka.

Den un karta Rafaela a informá e miembronan di su kandidatura i por haña e karta aki riba su sitio wèb ofisial.

Banda di su trabounan polítiko Rafaela ta hiba e públiko den e mundu inspirante kaminda el a traha e último añanan. Un grupo di sineasta a sigui’é i a publiká awe un mini-dokumentario di su bida ònlain.