Notisia

E promé edishon di ‘Samen Fit’ tabata éksito rotundo

E promé edishon di ‘Samen Fit’ tabata éksito rotundo

KRALENDIJK – Samen Fit ta parti di e proyekto pa hisa aksesibilidat i partisipashon di hendenan ku defisiensia na espasionan públiko di Boneiru. Den e kuadro di e tratado di Nashonnan Uni pa personanan ku defisiensia, Direktorado di Komunidat i Kuido ta ehekutando for di aña pasa diferente proyektonan. 

Ku e proyekto Samen Fit Direktorado di Komunidat i Kuido ta bai inisiá aktividatnan di moveshon riba un base struktural den barionan pa asina promové moveshon serka hendenan ku defisiensia i hende nan ku edat avansá. Indebon, e departamento di deporte di Direktorado di Komunidat i Kuido ta organisá e aktividatnan na sentronan di bario.

Awe 19 di febrüari

E promé edishon a tuma lugá djasabra último 12 di febrüari 2022 na Sentro di Bario Tera Kora, Sentro di Bario Amboina i Plasa Chiku Goeloe. E siguiente edishon ta tuma lugá awe 19 di febrüari, e biaha aki na Parke Lan Lan Clarinda na Nikiboko, Sentro Orkidia (Noord Saliña) i Cocari na Rincon di 9’or te ku 11’or. 

Deel dit artikel
Rocargo
Rocargo
Rocargo
Rocargo