ALMELO – E seis sospechosonan di partisipashon den un konekshon di kokaina entre Kòrsou, Twente i de Achterhoek ta keda tres luna den aresto preventivo. Esei sala di konseho di korte na Almelo a dikta djarason mèrdia.

Ora ku polis a deskubrí e konekshon di droga enome aki nan a haña 73 kilo na kokaina den un konteiner na Silvolde. Djabièrne siguiente polis a interseptá 128 kilo di kokaina mas den un barku den haf di Vlissingen. E preis total riba kaya ta kore den 15 mion euro. 

Restrikshon

Djaweps 30 di yüni hustisia a drenta ku kuater shen kolaboradó den djestres establesimentu i a arestá shete sospechoso. Korte a dikta ku e sospechosonan ta keda den ‘restrikshon’ pa motibu di e investigashon ku ta kanando. Esei ta nifiká ku nan por tin solamente kontakto ku nan abogado.

Hustisia tin en total shete persona komo sospechoso di ta impliká komo importadó di enorme kantidat di kokaina. A laga un di e sospechosonan den libertat siman pasá. E seis otro sospechosonan ta keda será te na e promé seshon públiko den korte kaminda ta bai disidí kon ta atendé e kaso.