E tim spesialisá di KPCN ta atendé kriminalidat finansiero ekonómiko ku man duru

KRALENDIJK – Na 2022 a lanta e tim di Kriminalidat Finansiero Ekonómiko (FINEC) den Kuerpo Polisial Caribish Nederland (KPCN) pa inisiá e bataya kontra e tipo di kriminalidat aki. Kriminalidat finansiero ekonómiko ta un problema sosial serio. 

E ta daña konfiansa entre siudadano, empresa i gobièrnu. Asina tin vários investigashon penal andando tokante entre otro labamentu di plaka, froude i malversashon. Banda di esaki FINEC ta duna sosten aktivo den kasonan di reshèrshi regular di e otro departamentunan di reshèrshi di KPCN. 

Tambe FINEC ta desaroyá instrumento di reshèrshi pa análisis di informashon finansiero. Den kolaborashon ku Polis Hulandes FINEC a desaroyá un instrumento pa analisá transakshon di banko tambe. Den esaki tabatin kolaborashon estrecho ku MCB, RBC i Banco di Caribe. Aworakí ta posibel pa por buska entre un gran kantidat di transakshon bankario, esaki ta kontribuí na investigashon finansiero bon i sólido. 

Sostén

E tim di FINEC di KPCN formativamente ta konsistí di dos reshèrshi finansiero fultaim. E tres añanan benidero koleganan di FIOD (Fiscale Inlichtingen en Opsporingsdienst) i di Polis Nashonal di Hulanda Oropeo lo bin reforsá e tim aki tantu ku kapasidat di inteligensia komo kapasidat di trabou di reshèrshi. Ademas tin kolaborashon intensivo ta tumando lugá ku e ‘Financial Intelligence Unit’ (FIU) i e meta ta pa yega na un tim spesialisá, independiente i kompletu di FINEC den KPCN.