KRALENDIJK- Ehekushon di a asina yama ‘masterplan’ ku a traha pa Bonaire International Airport (BIA) ta hopi importante. Esaki segun director di BIA, Jos Hillen.
Hillen a hasi su remarke entre otro basá riba presensia di 3 avion grandi, dos di KLM i unu di Tui, ku tataba pareu na e aeropuerto.
For di sifranan resien, por komprondé ku e kantidat di pasahero na BIA pronto lo surpasá e sifra ku tabata tin na aña 2019, ku ta e último aña ‘normal’ promé ku e crisis di Covid-19. For di un presentashon siman pasá durante Konferensia di Turismo, ta komprondé ku diferente aerolínea tin interes konkreto pa kuminsá bula Boneiru. Entre esakinan tin e kompania kanades WestJet, pero posiblemente tambe Air Canada i Copa Airlines.
Fasilidat
E fasilidatnan na e aeropuerto aktual, simplemente no ta sufisiente mas pa dil ku tur pasahero ku ta yega riba dianan hopi drùk, manera djasabra. Voral awor ku tin mas kòntròl riba dokumentu di tèst i deklarashon di salú relatá na Covid-19, tin biaha tin reinan basta largu di hende ku mester para warda den solo.
Studiantenan di Karibe Hulandes por sera un seguro básiko di kuido Hulandes Oropeo maske nan no tin djòp na Hulanda
Komentario: Tokante di manipuladónan di informashon, erornan i gezaghèbernan ku ta vota
Sifranan COVID-19 Boneiru
Okupashon hotèlnan na Aruba ta baha, pero preis di kamber ta hopi mas karu
