Ehersito hulandes ehekutando treinen na Boneiru

Kralendijk- Un regimento di ehersito hulandes, for di djaweps atardi tan a Boneiru pa un treinen práktiko. 

Ta trata di un regimento di Compagnie in de West. Meta di e treinen ta, entre otro, pa konosé tereno di e isla mihó.

Manera kustumber, kapital Tom Pasman, huntu ku mayor Arthur Duursma a hiba un bishita di kortesia pa gezaghèber Edison Rijna.

Boluntario

Banda di nan ehersisionan ofisial, e miembronan di ehersito lo ta duna aporte komo boluntario na vários proyekto na Boneiru. Den transkurso di e fin di siman largu por a mira diferente vehíkulonan militar den kayanan di Boneiru.