Ekspertonan di Karibe ta bin huntu pa papia tokante zeapel

Den e promé siman di aprel, Dutch Caribbean Nature Alliance (DCNA) a organisá un workshop tokante kultivashon di zeapel di e tipo Diadema Antillarum na Saba. E workshop a wòrdu duná pa e universidat Van Hal Larenstein of Applied Sciences (VHL). 

Durante e workshop 21 eksperto ku tabata físikamente presente, huntu ku 65 hende ku a djòin ònline a haña un bista di e situashon di e zeapel aki den región di Karibe. 

Entre otro a papia riba prevenshon di morto masal di e animalnan aki. Tabata vários okashon kaminda hopi di e zeapelnan a bin muri. Esaki, hopi biaha, tin un impakto negativo riba e refnan rondó di e isla. 

Restorashon

Estudionan ta mustra ku e repopulashon di refnan ku e zeapel Diadema Antillarum por yuda pa mantené e ref den bon kondishon. E zeapelnan, entre otro ta kome matanan bou di laman ku tin e tendensia di tapa i mata e koral.