TELBO ta sigui ku aktividat pa selebrá nan 40 aña di eksistensia

KRALENDIJK- TELBO N.V. lo bai tin un aktividat grandi djasabra awor, den kuadro di nan selebrashon di selebrashon 40 aña di eksistensia. 

Gregory Colina direktor di TELBO N.V a papia ku prensa tokante e aktividatnan ku ta bai tin durante e dianan aki i ku lo kulminá djasabra. ”Djasabra awor ta bai tin un magno evento pa e selebrashon di TELBO su 40 aña di eksistensia. Promé mi papia di esei, mi ta menshoná e kampaña di 40 giga pa 23 dòler, hopi hende a hasi uzo di dje. Tambe tabatin e High Tea Parti, ku tabata un éksito. A saka potrèt i a yega na un gana do ku a haña mas tantu like pa su potrèt. Ta trata di Jessica Emers. El a gana un telefòn mobil. Tambe TELBO a partisipá den Bondoet, nos a bai na Kolegio Rayo di Solo i djasabra último nos tabatin un outotòn i a rekoudá fondo pa Skouting Bonaire”, asina Colina a konta.

Segun e direktor di kompania di telekomunikashon, e montante ku a rekoudá pa Scouting Bonaire tabata 3.800 dòler, i nos a dòbel esaki i nos tin mas sorpresa ku ta menshoná djasabra awor. 

ERA Outéntiko

Djasabra 25, komo parti di e selebrashon ERA Outéntiko ta nan Boneiru pa deleitá e bon músika huntu ku JC and Friends. Ta bai tin kos pa kome i bebe na bon preis pa tur hende gosa durante e anochi.