Notisia

Eleesha den Boef ganadó diktado 2022

KRALENDIJK – Eleesha den Boef ganadó apsoluto Diktado Lenga Materno 2022, representando Skol Amplio Papa Cornes. E diktado tabata pa muchanan di skol primario.

Elsmarie Beukenboom, presidente di Fundashon Akademia pa Papiamentu a dirigí palabra i a inisiá e aktividat ku a tuma lugá na El Gran Chaparal. Despues Geraldine Damers, e persona ku a guia e diktado a kontinuá ku lesamentu di e diktado pa e muchanan.

Ta trata di 19 mucha ku a partisipá, representando 6 skol. Kolegio Kristu Bon Wardador, Kolegio San Bernardo, Skol Amplio Papa Cornes, Kolegio San Luis Bertran, Kolegio Rayo di Solo i BS de Pelikaan. Tur mucha ku a partisipá a haña un sertifikado.

Diputado Nina den Heyer tabata presente i a entrega e muchanan regalo i e premio na e ganadó. Riba potrèt e ganadó apsoluto i e promé dosnan mas mihó. Skol Amplio Papa Cornes, awor ta di 4 aña ku e ta sali ganado di e kompetensia. 

Deel dit artikel
Rocargo
Rocargo
Rocargo
Rocargo