Enchanted Pricess ku promé bishita na Boneiru

KRALENDIJK- E barku krusero Enchanted Princess di Princess Cruise Lines, a bishitá Boneiru pa promé bes. Enchanted Princess a mara na Waf di Suit – Nelo Craane, for di 7:00 or di mainta i ta keda Boneiru te ku 6:00 or di atardi.

Enchanted Princess a yega for di Korsou i ta sigui pa Roseau Dominca despues di su bishita na Boneiru. Enchanted Princess ta e barku di mas nobo di e liña Princess Cruise Lines ku a kuminsá nabegá dia 21 di novèmber 2021. Boneiru ta e di 5 destinashon pa Enchanted Princess. Seremonia Relashoná ku e promé bishita na Boneiru, a ser tené un seremonia di interkambio di plakat.

Gezaghebber señor Edison Rijna, Havenmeester señor Gunther Flanegin, Operations Manager di Armada Port Agency Bonaire señor Byron Tromp konhuntamente ku Ofisina di Turismo señoranan Marjolein Oleana Business Manager, i Helen Mercera-Thode Sekretaria a hasi entrega di rekuerdo na Kapitan Mario Ciruzzi i su tripulantenan. E seremonia a tuma lugá 11:00 or di mainta na bordo di e barku. Ofisina di Turismo a hasi entrega di e buki Bonaire – Point to Point kaminda ta ilustrá diferente paisahe di Boneiru.