Enkuesta di Awa Shushi Marino 2021

Kralenijk- Boneiru ta kresiendo komo destinashon seif pa yatenan ku ta di bishita i tambe e kantidat di yate lokal ta kresiendo.

Apesar di esaki, Boneiru no ta disponé di un stashon ku fasilidat di deskargá awa shushi kaminda yatenan por pòmp i entregá nan awa shushi. Konsekuensia di esaki ta, ku doñonan di yate no tin otro alternativa ku deskargá nan awa shushi direktamente den nos awanan.

Awa shushi ku no a pasa den proseso di purifikashon ta dañino pa tantu nos hendenan komo nos founa ku flora. Habitantenan i bishitantenan ta usa nos awanan pa hopi meta di rekreashon manera landamentu i snòrkel. Pa e motibu akí, no ta nada deseabel pa disponé di awa shushi den laman rònt di Boneiru. Ademas e laman rònt di Boneiru ta kas pa algun di e refnan di koral den nan mihó kondishon den Karibe i e refnan ta sensitivo pa polushon dor di awa shushi.

WWF-NL, OLB, WEB ku STINAPA a inisiá e enkuesta di Awa Shushi Marino 2021. Durante e último 3 simannan a tene un enkuesta serka alrededor di 70 yate na Boneiru pa haña informashon tokante tankinan pa wanta awa shushi ku nan ta ekipá kuné i tokante e kalidat i kantidat di e awa shushi ku e yatenan ta deskargá. E informashon akí ta esensial den e siguiente pasonan pa kreashon di un situashon ku tin sero disposishon di awa shushi. 

Nos a risibí hopi sosten di doñonan di yate i tur hende tabata dispuesto pa duna nan kontribushon pa yuda salba e refnan di koral di e forma akí. Nos ta ekspresá nos gratitut na tur ku a kontribuí na e enkuesta akí. Ora ku e resultadonan ta kla, lo presentá nan na públiko huntu ku nos rekomendashonnan.

Pa mas informashon, por fabor tuma kontakto ku Monique van de Water: mwater@wwf.nl