Entrante 1 Di Ougùstùs 2021 Por Pasa Inskribí Pa Un Stènt Pa Dia Di Boneiru

Kralendijk – Entrante 1 di ougùstùs 2021 por pasa inskribí pa un stènt pa dia di Boneiru. E aña aki e parti kultural di dia di Boneiru ta tuma lugá na Sentro di Bario Tera Kòrá. Manera tur aña personanan ku ta interesá por bini na remarke pa un stènt pa bende kos durante e selebrashon.

Ta trata aki di stènt pa bende kuminda, snèk, bar, artesania, bon ku n’é, weganan pa mucha i hopi mas.

Mester pasa inskribí personalmente na ofisina di Skal, Kaya E.C. Craane na Playa Pabou. Inskripshon ta sera 30 di ougùstùs 2021.

Organisashon I personanan establesé na Boneiru tin preferensha pa bini na remarke pa un stènt. E pago mester tuma lugá na ofisina di Registro Sivil na Kaya Nerlandia 40, riba kuenta di “Volksfeesten” Despues di a paga mester presentá bèk ku e komprobante di pago na Skal, pa risibí aprobashon di petishon korespondiente.

Último dia pa presentá komprobante di pago ta  30 di ougùstùs 2021. Den kaso di kanselashon di hür di stènt, e hürdó NO ta risibí sèn bèk.

Lesa tambe:

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé